სამყაროს შვიდი საოცრება - ლექსიკონი

სამყაროს შვიდი საოცრება


ეგვიპტის პირამიდები ბაბილონის დაკიდული ბაღები არტემიდას ტაძარი ეფესოში ზევსის ქანდაკება ოლიმპიაში ჰალიკარნასის მავზოლეუმი როდოსის კოლოსი ალექსანდრიის შუქურა ლექსიკონი

ლექსიკონი

არქეოლოგი – მეცნიერი, რომელიც გათხრების საშუალებით სწავლობს ძველი საზოგადოების ისტორიასა და კულტურას.

ბაბილონის სამეფო – უძველესი სახელმწიფო შუამდინარეთის (დღევანდელი ერაყის) ტერიტორიაზე. განსაკუთრებულ აღმავლობას მიაღწია მეფე ნაბუქოდონოსორ II–ის მმართველობის დროს.

გუთები – მომთაბარე ტომები. ჩვენი წელთააღრიცხვის პირველ საუკუნეში დიდ პრობლემებს უქმნიდნენ რომის სახელმწიფოს.

ევფრატი – მდინარე მახლობელ აღმოსავლეთში. წარმოიქმნა ორი მდინარის – აღმოსავლეთ ევფრატის, ანუ ანუ მურადისა და დასავლეთ ევფრატის, ანუ ყარა–სუს შეერთების შედეგად. სათავეს იღებს თურქეთში. ჩაედინება სპარსეთის ყურეში. სიგრძე დაახლოებით 2700 კმ – ია.

თეოდოსიუსი – რომის იმპერატორი 379–395 წლებში. მისი მეფობის პერიოდში რომის იმპერია ოფიციალურად გაიყო ორ ნაწილად – დასავლეთ რომისა და აღმოსავლეთ რომის, ანუ ბიზანტიის იმპერიად.

იშთარი – ქალღმერთ ინანას აქადური სახელწოდება. განასახიერებდა ამომავალსა და ჩამავალ მზეს. ითვლებოდა ცხოველთა მეუფედ, სიყვარულისა და სიტკბოების ქალღმერთად. გაიგივებული იყო პლანეტა ვენერასთან.

კოლონა – ვერტიკალური სვეტი, რომელსაც შენობების საყრდენად იყენებენ.

კალიგულა – რომლის იმპერატორი 37 – 41 წლებში. გამოირჩეოდა პატივმოყვარეობით და განსაკუთრებული სისასტიკით.

ლიდია – ძველაღმოსავლური სამეფო. მდებარეობდა დასავლეთ მცირე აზიაში. დამოუკიდებელი სახით არსებობდა ძვ.წ.VII – VI საუკუნეში. ძვ.წ 546 წლიდან ირანის შემადგენლობაში მოექცა.

ლუკიანე სამოსატელი – ბერძენი მწერალი. ცხოვრობდა III საუკუნეში.

კლასიკური ეპოქა – ძველი საბერძნეთის ისტორიის ერთი გარკვეული პერიოდი. მოიცავს ძვ.წ.V და IV საუკუნეებს.

ლიდია – ძველაღმოსავლური სამეფო დღევანდელი ირანის ტერიტორიაზე. იარსება ძვ.წ. 550 წლამდე.

მუმია – მიცვალებულთა სხეული, გარკვეული წესით დამუშავებული და შენახული. მუმიფიცირება ძირითადად გავრცელებული იყო ეგვიპტეში. არსებობდა მუმიის დამზადების რამოდენიმე ხერხი. ამის შესახებ ვრცლად მოგვითხრობს ბერძენი ისტორიკოსი ჰეროდოტე თავის „ისტორიაში“.

პტოლემეოს II – ეგვიპტის მეფე ძვ.წ. 282 – 246 წლებში.

სკულპტურა – ქანდაკება.

სტრაბონი – ბერძენი ისტორიკოსი და გეოგრაფი. ცხოვრობდა ძვ.წ I საუკუნეში.

ფიდიასი – ძველი ბერძენი მოქანდაკე. ცხოვრობდა ძვ.წ. V საუკუნეში.

ფრონტონი – შენობის ფასადის ზედა, სამკუთხა ნაწილი, რომელიც შემოსაზღვრულია ორმხრივ დაქანებული სახურავით.

ფარაონი – ეგვიპტის მეფის ტიტული. ეგვიპტურად ეწოდება „პერ აა“ ანუ „დიდი სახლი“. ეგვიპტეში ფარაონების ოცდაათამდე დინასტია არებობდა.

შორენკეცი – ფერადი ფილა, იყენებენ შენობების მოსაპირკეთებლად.


© 2007, ავტორი - მარეხი გოგიტიძე, ხელმძღვანელი - იოსებ ჩხარტიშვილი
სიამოვნებით მივიღებთ მითითებებსა და შენიშვნებს

Georgian Search Engine - interes!ge

Hosted by uCoz